‘N stóóndardōstfräisk wōrdenbauk.
Sīt äen 2019 arbaid’t us lid Onno Feldmann an ‘t umstetten fan ‘n standardōstfräisk wōrdenbauk. D’r föör dājt häi däi al 1975 ūtklüütert un 1999 ōwerarbaid’t kondīsjes tau d’ ōstfräisk sğrīvwîs fan Holger Weigelt brūken. Weigelt bīlakde al frau dat standardersææren fan däi ōstfräisk sğrīvwîs nóó mäien lēğdüütsk petrôn, wor dat Ōstfräisk, as fräisk-lēğdüütsk tóól, sīn häiel natüer ferläisen sul. Dat mäinent wī net glīk sō.
Dat wōrdenbauk fan Feldmann, dat wī as feräien stöönen daunt, büd’t däi möögelkkaid, ‘n lūdelk, räecht un standardersæært Ōstfräisk tau brūken. Däi tóól in ‘t Ōstfräisland stājt döör fööl bīsünnerhaiden fan lūd un wōrd föör sük. Däi hōwdfersğēl mank däi strēktóólen is äin lūdfersğūven, dat me gaud fan äin föörbild säin kan:
mauder /mɑʊwdɚ/ – meauder /mɛɑʊwdɚ/ – möyder /mœydɚ/ – mouder /moʊwdɚ/
Nóó Weigelt word’t up däi fēr spred’t strēktóól mit däi lūdkoppel au-âu standardersæært. D’r tēgen gift dat no lütjerder lūdfersğūvens. Feldmann fersöcht allerwēgens up ‘n föörm tau standardersææren, wor dat in d’ sğrift fan möögelkkaid min wōrden gift, däi glīk sğrēven wordent, dō däi fersğēlens bīdüüdent.
Dat wōrdenbauk het up stünd rūğweğ 40.000 dóótensetten (stand september 2021), däi net sō enkeld wōrden, as ōk seğğeróósjes, as ōk föörbiller undhollen.
Däi móóek sal no wat tīd nēmen un mennerğ sgrīvwîs no pröyvt worden. Man dat wōrdenbauk büd’t al ‘n grōten bīstóónd.
Dat wōrdenbauk finnent Jī hir: oostfraeisk.org
